Costa Rica é un paraíso situado en América Central. O país non só é famoso polo seu café e a súa natureza, con extensas praias, selvas virxes e parques nacionais. Costa Rica é moito máis. A súa democracia é das máis antigas do mundo, sendo un país pioneiro en abolir o exército e en establecer unha educación obrigatoria e gratuita. Visitamos Costa Rica da man de Carlos Grangel, un pontevedrés que chegou a Costa Rica por cuestións laborais xunto coa súa muller Ana Belén e a súa filla de cinco anos. Con Carlos faremos unha excursión única e iremos a dar de comer ós cocodrilos. A vida deste pontevedrés en Costa Rica, o mércores 27 ás 22.30, en Galegos no mundo, na Televisión de Galicia.