O Goberno de Salceda de Caselas ven de emitir unha nota dende Gabinete de prensa do Concello na que “quere mostrar a súa indignación ante ao acto que tivo lugar na sede do PP o pasado luns 18 de xuño tras a visita do Conselleiro de Infraestructuras, Territorio e Medio Ambiente Agustín Hernández”.

No comunicado fan unha “chamada de atención ante este tipo de actos partidistas, e lamenta que o Conselleiro non faga públicas as inversión que terán lugar no municipio e nas que traballa o Goberno municipal, na Casa do Concello que é a Casa do Pobo”.

Por último sinalan que “agardamos dende o Goberno municipal que ante a licitación de futuras obras que se irán desenvolvendo como a continuación da senda do río Caselas, a Humanización da Praza da Devesa ou a de maior necesidade, á construcción do novo Centro de Saúde se anuncien no lugar correspondente que é a casa do Concello”.