Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Xornal21
Lunes, 19 de junio de 2017
O PORRIÑO

O Concello sinaliza elementos arquitectónicos, arqueolóxicos, culturais e naturais do Porriño

[Img #33271]O concelleiro de Urbanismo, Marcelino Coto, supervisou a colocación dos primeiros paneis explicativos que xa están diante de varios dos elementos culturais máis importantes do Porriño.


Os sinais- de 85x100 cms- que foron sufragados con cargo a unha subvención da Deputación de Pontevedra, están situados diante do Pazo de Pontellas, da Igrexa de Santa Baía de Atios, do Xacemento Paleolítico de As Gándaras de Budiño, no ‘Templete’ de Palacios e na Ruta dos Muiños do Castro.


As persoas que os consulten poderán atopar nos mesmos-en galego e castelán- unha pequena explicación sobre as características, antigüidade, importancia cultural e patrimonial e historia de cada un dos lugares que sinalizan.


A intención do Concello, como subliña Marcelino Coto, “é seguir con este programa e optar a unha nova subvención convocada para este fin”. O concelleiro de Urbanismo indica que “este Goberno quere facelo mesmo con todos os elementos patrimoniais do Porriño, tanto para salientar a súa importancia histórica e cultural, coma para darlle pulo ao seu interese dende o punto de vista turístico”.

 

Xornal21 • Términos de usoPolítica de PrivacidadMapa del sitio
© 2017 • Todos los derechos reservados