Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Xornal21
MOS

As renovadas Novas Xeracións de Mos celebran as súas primeiras xornadas de convivencia arroupadas pola alcaldesa e o presidente do Comité Local

Guardar en Mis Noticias.

Nidia Arévalo, Camilo Augusto e Leopoldo Costas, anterior presidente de Novas, acompañarán aos populares mosenses máis novos durante a acampada que realizarán esta fin de semana en Portonovo.

[Img #34254]

 

Tras a celebración do seu exitoso congreso o pasado 29 de xullo, as Novas Xeracións do Partido Popular de Mos realizarán esta fin de semana unha convivencia de dous días. Tratarase dunha acampada en Portonovo á que asistirán tódolos novos membros da Xunta Directiva das Novas Xeracións mosenses, encabezados pola súa presidenta, Lucía Blanco Campo, xunto co vicepresidente, Luis Álvarez Loureiro, e o secretario, Kevin Augusto.


Os membros de Novas Xeracións estarán acompañados nestas xornadas de convivencia polo anterior presidente de Novas e actual tesoureiro do Comité Local do partido, Leopoldo Costas Alonso, polo presidente do Comité Local do PP de Mos, Camilo Augusto, e pola alcaldesa mosense, Nidia Arévalo.


Durante estes días os participantes na acampada realizarán diversas actividades programadas fundamentalmente perseguindo o obxectivo da convivencia e iniciando o traballo de planificación de accións de cara a poñer en marcha ao cen por cen en setembro a acción xuvenil de Novas Xeracións.

 

Excursión

Por outra banda dende o Comité Local do Partido Popular infórmase de que o domingo 3 de setembro realizarase unha excursión á Ribeira Sacra que está aberta a tódolos interesados en participar. Sairase ás 08.10 horas da mañá e regresarase ás 19.30 horas. O viaxe incluirá xantar e visitas a Ourense, Monforte, percorrido en catamarán polos Cañóns do Sil e visita ao Museo do Ferrocarril. O prezo por persoa é de 32 euros e a data límite de inscrición será o día 30 de agosto.

 

Xornal21 • Términos de usoPolítica de PrivacidadMapa del sitio
© 2017 • Todos los derechos reservados