Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Xornal21
MOS

O Concello proxecta un novo parque infantil inspirado nas Pozas

Guardar en Mis Noticias.

A actuación será posible grazas a un convenio coa consellería de Presidencia, Administracións Públicas e Xustiza.

 

 

Grazas a un convenio coa consellería de Presidencia, Administracións Públicas e Xustiza da Xunta de Galicia o Concello de Mos continúa a optimizar o contorno do edificio Multiusos, sito nas Pozas, parroquia de Petelos; nesta ocasión coa creación dun novo parque infantil ambientado na reciclaxe que permitirá recuperar ambientalmente o espazo no que se proxecta ubicalo.


Tras a instalación da pista de skate, o parque contiguo á mesma, a humanización do vial que une a Capela de San Amaro co Multiusos e a decoración dunha das paredes do edificio cun gran graffiti que pretende ser motivador para a mocidade mosense; a administración local acometerá agora un novo parque infantil nesta zona que en cuestión de meses experimentou unha transformación en positivo moi notable.  


A ubicación escollida para a creación deste novo parque infantil é una parcela municipal situada ó norte do edificio Multiusos, situada á esquerda da vía de comunicación que une o edificio Multiusos co Pavillón Óscar Pereiro e a piscina municipais, así como tamén cos centros escolares CEIP de Petelos e Instituto.


As obras consistirán na adecuación do terreo para obter as sub-bases necesarias para garantir a estabilidade do firme. Para o cal é necesario o desbroce e nivelación da superficie afectada (9x20m), así como o aporte de xabre compactado. Posteriormente procederase á instalación dos elementos de xogo que comporán ó parque infantil, sendo o reto principal no deseño desta área a temática do reciclaxe, para dende o xogo inculcar os valores do reciclaxe. Ditos elementos serán un pórtico de columpio con asento plano e cuna, un pórtico de columpio cesta, un equipo combinado de dúas torres con tobogán simulando contedores do lixo, dous xogos de muelle e un carrusel.

 

Tamén se contemplou á hora de deseñar a área de xogos a inclusión de tódolos nenos/as, tendo en conta ás posible minusvalías que poidan sufrir, conseguindo deste xeito que tódolos cativos/as se integren totalmente no xogo e que poidan acceder facilmente ás instalacións (tanto os nenos/as como os pais ou acompañantes).

 

Os traballos completaranse co acondicionamento da superficie amortecedora de impactos coa instalación de céspede artificial en toda a superficie. E por último a instalación do cartel informativo e dun valo de madeira tratada en todo o perímetro.

 

O orzamento total requerido para a realización desta actuación ascende a 36.000 euros, IVE incluído.

 

Xornal21 • Términos de usoPolítica de PrivacidadMapa del sitio
© 2017 • Todos los derechos reservados