Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Xornal21
Viernes, 27 de octubre de 2017
PROVINCIA

A Deputación de Pontevedra avanza nas conclusións das liñas de estratexia do Plan de Turismo

Guardar en Mis Noticias.

Preto dun centenar de persoas participaron nas catro mesas de traballo para analizar produtos afines e delimitar as accións de futuro.

[Img #36221]

 

Preto dun centenar  de persoas participaron nas catro mesas de estratexia definidas na elaboración do Plan Estratéxico de Turismo da provincia de Pontevedra 2017-2020 que está a elaborar a Deputación de Pontevedra.

 

Estas catro mesas, celebradas ao longo do mes de outubro, dividiron a provincia en catro zonas,  costa e interior Norte e Sur. Nestas mesas participaron os representantes dos concellos de Cambados, Baiona, Barro, Campo Lameiro, Catoira, Cerdedo-Cotobade, Cuntis, Forcarei, Illa de Arousa, Meaño, Mondariz-Balneario, O Grove, O Rosal, Poio, Ponteareas, Pontecesures, Sanxenxo, Tomiño, Tui e Vilagarcía. Ademais, participaron representantes de asociacións turísticas  e empresariais, fundacións, aloxamentos turísticos, clubs náuticos, empresas de turismo náutico e turismo activo,  centros de formación profesional de hostalería e turismo, museos, representantes de Festas de Interese Turístico e do Clúster de Turismo de Galicia.

 

Nas mesas explicouse que os retos aos que debe responder o Plan Estratéxico de Turismo da Provincia de Pontevedra 2017-2020 son aposta por un destino sustentable social, económica e ambientalmente; o posicionamento do destino segundo os valores que se queren transmitir: sustentabilidade, autenticidade, excelencia, atemporalidade e internacionalidade; o compromiso coa excelencia tanto do destino como do sector turístico implicado no territorio, apostando pola calidade e pola innovación turística, e a implantación dunha xestión intelixente do destino, compartida e eficiente entre os diferentes axentes con competencias turísticas do territorio.

 

En cada unha das mesas e cos seus participantes, e asesorados por persoal experto en turismo, realizouse unha dinámica de traballo en grupos. Cada un dos grupos traballou unha serie de produtos afíns á entidade á que representaba, coa finalidade de propoñer accións para levar a cabo nos diferentes plans de produtos que vai recoller o Plan Estratéxico. En liñas xerais, tratáronse cuestións relacionadas coa cooperación e colaboración a tres niveles, o público; o privado-público e o privado, onde os asistentes propuxeron fórmulas de colaboración para implementar no destino. Tamén se trataron cuestións de posta en valor dos recursos turísticos cos que conta a provincia, que plans de produto van crear cunha visión de alcance dun destino turístico sustentable e unha aposta clara polo equilibrio territorial.

 

Así mesmo, reflectiuse que é importante especializar ao sector privado para ofrecer unha boa acollida do turista, coñecendo ben as súas expectativas e necesidades. Tamén quedou constancia da necesidade de especialización do destino turístico, competitivo e excelente. Por último, traballouse en cales deben ser as canles de promoción para a difusión do destino e da oferta turística, así como a que público obxectivo débese enfocar o Plan.

 

Agora, e tras esta fase de traballo, queda pendente a incorporación das conclusións as liñas estratéxicas e a elaboración do plan de financiación para a implementación das medidas, a delimitación do control da posta en marcha e o plan propio de comunicación para concluír os traballos do plan estratéxico.    

 

Xornal21 • Términos de usoPolítica de PrivacidadMapa del sitio
© 2017 • Todos los derechos reservados