Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Xornal21
Lunes, 6 de noviembre de 2017
NIGRÁN

Patrimonio autoriza a intervención urxente na contorna do Castro de Chandebrito

Guardar en Mis Noticias.

A Xunta resolveu a solicitude da Comunidade de Montes de Man Común, que pediu actuar ante o risco de desprendemento das rochas próximas ao xacemento arqueolóxico na parroquia de San Xosé de Chandebrito.

A Dirección Xeral do Patrimonio Cultural, dependente da Consellería de Cultura, Educación e Ordenación Universitaria, vén de autorizar a intervención urxente na contorna do Castro de Chandebrito, na parroquia de San Xosé de Chandebrito (Nigrán).
 

En menos de tres horas, logo de ter coñecemento da urxencia da actuación, a  Xunta informou favorablemente á solicitude da Comunidade de Montes de Man Común de Chandebrito, que xustificou a intervención no perímetro do castro debido ao risco de desprendemento de varias rochas situadas nas abas sur e norte do monte onde se localiza o xacemento arqueolóxico.
 

A Xefatura Territorial de Patrimonio en Pontevedra cataloga as obras de escasa entidade e, en consecuencia, considera que non hai inconveniente para a realización das actuacións que se poidan executar. Ademais, fai mención ao carácter urxente da intervención.
 

Non obstante, na resolución recorda que deberanse tomar certas medidas de precaución para non afectar ao xacemento arqueolóxico, entre as que cita evitar movementos de terras ou modificacións da rasante natural do terreo. Por último, indica que cómpre comunicar ao Servizo de Patrimonio as medida ou características das actuacións finalmente establecidas.
 

A solicitude da Comunidade de Montes de Man Común de Chandebrito tivo entrada no Rexistro Xeral da Xunta ás 12.34 horas deste venres e a resolución de Patrimonio autorizando a intervención foille comunicada mediante correo electrónico as 15.11 horas.

 

Xornal21 • Términos de usoPolítica de PrivacidadMapa del sitio
© 2018 • Todos los derechos reservados