Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Xornal21
Jueves, 7 de diciembre de 2017
O PORRIÑO

O paro baixa por oitavo mes no ano no Porriño

Guardar en Mis Noticias.

"A finais de novembro traballaban 500 persoas máis que cando o actual Goberno Local empezara a súa xestión, e o desemprego descendeu do 23,1 ao 17,7%" explican dende o Concello

O paro descendeu por terceiro mes consecutivo no Porriño e a finais do mes pasado había na vila 1.639 persoas desempregadas, un dato de desemprego que non se daba dende hai preto de dez anos.


Dacordo cos datos publicados este luns polo Ministerio de Emprego e Seguridade Social,a  taxa de desemprego situouse no Porriño no 17,7%, en total 5,3 puntos menos que cando o actual Goberno Local empezara  o seu mandato, cando 2.139 porriñeses estaban na procura dun posto de traballo, 500 máis que na actualidade.


En relación co mes de novembro de 2016, o número de veciñas e veciños anotadas coma demandantes na oficina do Servizo Galego de Emprego do Porriño baixou de 1.836 a 1.639, o que supón que hai 197 traballadoras e traballadores máis no concello: en so un ano o paro caeu preto de 2,5 puntos.


A alcaldesa, Eva García de la Torre lembra que o paro medrou en Galicia en 1.277 persoas e en 7.255 no conxunto de España mentres que no Porriño descende, polo cal amósase convencida que “as medidas que estamos a impulsar dende a Concellería de Emprego, que dirixe Soledad Girón, funcionan” e subliña entre elas o programa ‘Porriño Accede’, baseado en convenios asinados entre o Concello e empresas da vila, grazas ao cal hai ducias de veciñas e veciños que volveron ao mercado laboral ou empezaron a traballar.


Tamén están a facilitar o descenso do paro os ‘Plans de Emprego’, posibles en base a un acordo coa Deputación de Pontevedra e do investimento de máis de 600.000€ de fondos municipais.


García de la Torre sinala, por último, como “fundamental” para crear emprego o  feito de chegar a acordos con outras administracións, obtendo axudas e subvencións que tiveron coma destino accións que serviron para incrementar as probabilidades de empregabilidade das veciñas e veciños do Porriño, e pon coma exemplo o recen aprobado ‘Plan Integrado de Emprego para Mulleres’ (PIEM), que conta cun orzamento total de 255.000€, dos cales a Consellería de Economía, Emprego e Industria da Xunta de Galicia achega 204.000€ e a Concellería de Emprego do Porriño, 51.000 para facilitar que as 85 mulleres que participarán no mesmo realicen formación e prácticas en distintas empresas o cal abrirá a posibilidade “real” de que poidan entrar, ou voltar, ao mercado laboral.

 

Xornal21 • Términos de usoPolítica de PrivacidadMapa del sitio
© 2017 • Todos los derechos reservados