Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Xornal21
Miércoles, 13 de diciembre de 2017
HOGAR

Medio Ambiente anima aos concellos a asumir un papel activo na Guía de Cor e Materiais

Guardar en Mis Noticias.

O Instituto de Estudos do Territorio organizará a partir de xaneiro unha xornada en cada provincia para dar a coñecer o contido da guía entre un público máis amplo

[Img #37399]

 

A Consellería de Medio Ambiente e Ordenación do Territorio reuniu esta semana en Santiago a medio centenar de técnicos municipais para presentarlles a Guía de Cor e Materiais, unha ferramenta coa que pretende loitar contra o feísmo e para a que a Xunta quere contar co apoio e colaboración dos concellos galegos.

 

Durante a xornada, a directora do Instituto de Estudos do Territorio, Inés Santé, subliñou o papel “fundamental dos técnicos municipais”, lembrando a importancia que ten a súa figura na formulación e elaboración dos instrumentos de planeamento urbanístico. Por este motivo, Santé apelou á súa colaboración á hora de axudar a difundir e a empregar a guía a nivel municipal, pero tamén os convidou a enriquecela coas súas propias achegas.

 

 

 

 

Inés Santé subliña o papel fundamental que xogan os técnicos municipais no planeamento urbanístico e pide a súa colaboración na difusión desta ferramenta

 

 

 

 

A explicación técnica da guía correu a cargo de Cristina García Fontán, arquitecta dun dos equipos que participou na súa elaboración, e para poñer fin ao encontro, propúxoselles aos asistentes que responderan a un cuestionario interactivo para testar a súa opinión e o grao de coñecemento que tiñan sobre a mesma.

 

Esta xornada, organizada polo IET en colaboración coa Federación Galega de Municipios e Provincias (Fegamp), enmárcase dentro do proceso participativo aberto pola Xunta co fin de dar a coñecer a Guía de Cor e Materiais entre os distintos colectivos directamente relacionados coa súa aplicación e desenvolvemento. De feito, a intención do IET é organizar, a partir de xaneiro, unha xornada monográfica en cada provincia co obxectivo de dar a coñecer esta guía entre un público o máis amplo posible.

 

Xornal21 • Términos de usoPolítica de PrivacidadMapa del sitio
© 2018 • Todos los derechos reservados