Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Xornal21
Viernes, 5 de enero de 2018
MOS

Ningún neno de Mos quedará sen cumprir o seu desexo de Reis

Guardar en Mis Noticias.

Os 65 cativos mosenses beneficiarios da campaña Mos Axuda no Nadal recibiron esta mañá no Multiusos os seus agasallos de mans dos Reis Magos.

[Img #37983]

 

Os 65 nenos e nenas mosenses beneficiarios/as da campaña municipal solidaria, Mos Axuda no Nadal, recibiron esta mañá no Multiusos das Pozas, de mans das Súas Maxestades os Reis Magos de Oriente, o agasallo que desexaban para este Nadal.


Cumprir as ilusións destes 65 cativos foi posible grazas á colaboración entre o Concello de Mos, AEMOS (Asociación de Empresarios de Mos) e Mos Axuda, que decidiron poñer en marcha conxuntamente esta iniciativa solidaria baixo o título ‘Mos Axuda no Nadal. Ningún nen@ sen xoguete neste Nadal’. Mos Axuda no Nadal é unha iniciativa solidaria para que ningún desexo dun neno este Nadal quede sen facerse realidade.


Ademais dos Reis Magos, Melchor, Gaspar e Baltasar, na entrega de agasallos aos pequenos mosenses estiveron presentes Nidia Arévalo, alcaldesa de Mos, e Sara Cebreiro, concelleira de Política Social.


O sistema utilizado para conseguir os agasallos dos 65 cativos beneficiarios consistiu en que os interesados en colaborar con esta campaña podían mercar o seu agasallo para un neno/a mosense a través da páxina web municipal no link https://www.mos.es/mosaxuda-no-nadal/


Os agasallos que se podían comprar na web eran xoguetes, obxectos, materiais ou prendas que previamente os/as nenos/as beneficiarios/as pediron nas súas respectivas cartas aos Reis Magos. Como son 65 os pequenos beneficiarios, tamén son 65 os agasallos que integraban a listaxe entre a que podían elixir os empresarios e/ou particulares para mercar na páxina web do Concello de Mos.


Grazas a esta iniciativa, finalmente ningún cativo de Mos quedou sen cumprir o seu desexo neste Nadal. A rexedora local mosense declarou a este respecto que “esta iniciativa naceu perseguindo a finalidade de prestar axuda e protección aos máis necesitados, coa colaboración do empresariado, para poder levar a cabo este proxecto solidario e que todos os nenos/as de Mos fixeran realidade o seu desexo nestas festas. Grazas ao traballo e o interese de todos, logramos cumprir o noso obxectivo”, dixo Arévalo.


Rexedora local e edil de Política Social aproveitaron a ocasión para agradecer a colaboración cidadá dos veciños e veciñas de Mos e do tecido empresarial mosense neste proxecto.

 

Xornal21 • Términos de usoPolítica de PrivacidadMapa del sitio
© 2018 • Todos los derechos reservados