A Comunidade de Montes de Torroso celebra este domingo día 8 de abril dúas asambleas, a primerira ás 9.30 en primeira convocatoria e  ás 11.30 en segunda que terá lugar no edificio do auditorio. A outra asamblea, que celebrarase inmediatamente despois, estará adicada monográficamente a informar sobre os trámites para elexir una nova xunta directiva, inda que todo fai pensar que haberá unha continuidade da actual.

Na xuntanza dos comuneiros de Torroso a Xunta Directiva encabezada por Camilo Grandal coma presidente e Adelio Lago coma secretario darán conta do estado económico e do orzamento previsto para o exercicio 2018. Tamén se informará da contratación da limpeza dos montes, da aprobación dunha subvención para a traída veciñal de augas  e de obras a realizar no recinto da capela de San Xoan.

Asamblea para elixir nova directiva

Nunha circular emitida pola Comunidade de Montes de Torroso, o pasado día 4 de marzo, o Presidente e o Secretario da actual xunta directiva informan dunha segunda asamblea  na que se tratará nun único punto a elección dunha nova xunta directiva, as distintas candidaturas tiñan de prazo os seguintes 20 días dende  a data da convocatoria xeral, é dicir o prazo para presentar candidaturas remataba o 24 de marzo.

Inicio das obras do parque biosaudable

A semana pasada a maquinaria de alquiler manexada por operarios dunha empresa local comezaba o movemento de terras para a construcción dun parque biosaudable ubicado nunha zona forestal cercana ao auditorio, con sendeiros e diversos elementos para a práctica de exercicio ao aire libre. Tamén procederon a instalación  acometida eléctrica para dotar a zona de varios puntos de luz.

O importe total das obras superará os 200.000 euros e os operarios traballan incluso baixo a intensa chuvia destes días para rematar os traballos no menor prazo posible.