Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Redacción / Xornal21.es
Lunes, 16 de abril de 2018
PROVINCIA

A Xunta adxudica as obras de mellora do firme en varias estradas autonómicas na provincia de Pontevedra

Guardar en Mis Noticias.

O proxecto define reparacións do firme que permitan prolongar a vida útil do pavimento da variante de Marín e as estradas PO-315 e PO-551, ao seu paso polos Concellos de Bueu, Cangas, Pontevedra, Marín e Moaña

A Consellería de Infraestruturas e Vivenda vén de adxudicar as obras de reforzo de firme localizado na variante de Marín (VG-4.4), e nas estradas PO-315 e PO-551, por un importe de case 590.000 euros.

 

Estas actuacións, cuxo inicio está previsto para o vindeiro mes de maio, foron adxudicadas á empresa Nexia Infraestructuras e dispoñen dun prazo de execución de 4 meses.

 

O proxecto define reparacións do firme que permitan prolongar a vida útil do pavimento destas estradas, ao seu paso polos Concellos de Bueu, Cangas, Pontevedra, Marín e Moaña.

 

Na estrada PO-315, nos Concellos de Bueu e Cangas, realizaranse reparacións do firme ao longo de toda a estrada mediante fresado e reposición ou extensión de microaglomerado, segundo a necesidade de cada subtramo.

 

Na PO-551, traballarase na rehabilitación da capa de rodadura mediante a extensión de microaglomerado en numerosos tramos da estrada, nos Concellos de Marín, Bueu, Cangas e Moaña.

 

Na variante de Marín (VG-4.4), repararase o firme mediante o fresado e a reposición entre o p.q. 0 e o 4+400, nos Concellos de Pontevedra e Marín.

 

Plan de reforzos de firmes

 

A Xunta, coa execución deste tipo de traballos, continúa co desenvolvemento do Plan de Reforzos de Firme, que nos Orzamentos para 2018 incrementa de modo moi importante a súa dotación de 15 a 20 millóns de euros.

 

O Goberno galego segue a traballar no obxectivo prioritario de conservar a rede viaria autonómica en óptimas condicións coa fin de incrementar a seguridade viaria e proporcionar aos usuarios unhas vías cómodas que melloren a súa calidade de vida, potenciando o desenvolvemento económico e social dos municipios galegos.

 

A Consellería de Infraestruturas está a realizar importantes esforzos en materia de conservación de estradas, con actuacións que non só se limitan ás tarefas ordinarias de conservación, senón que ademais se complementan con obras de conservación extraordinarias.

Xornal21 • Términos de usoPolítica de PrivacidadMapa del sitio
© 2018 • Todos los derechos reservados