Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Xornal21
Sábado, 5 de mayo de 2018
SALVATERRA DE MIÑO

Salvaterra de Miño conmemora o seu milenario

Guardar en Mis Noticias.

O Concello quere implicar aos máis cativos nos actos conmemorativos dos seus máis de mil anos de historia que se realizaran o 24 de maio, Festivo Local.

[Img #40890]

 

Foi ala polo no ano 991 cando atopamos o primeiro documento escrito que fai referencia a Salvaterra de Miño, o que a converte nunha auténtica Vila Milenaria. Neste texto o monarca Vermudo II asinaba, un 24 de maio do ano 991, un documento no que lle cedía á igrexa compostelá e ao seu bispo D. Pedro Martínez de Mosoncio, a vila de “Lacedurium” (que foi o nome orixinario do pobo). Esta vinculación entre Salvaterra e a igrexa compostelá manteríase durante un longo período, ata ben entrado o século XIX, durante o cal, os veciños e veciñas pagaron o diezmo á sede santiaguesa. 

 

Tras este episodio, son moitos os documentos nos que se fai referencia ao nome da vila, que progresivamente iría modificándose de Lacedurium a Lazoiro. A última mención ao topónimo de Lazoiro aparece no documento de anulación dos foros da cidade de Tui, realizado polo rei Fernando II en 1170. Sería en tempos de Alfonso IX, que ascendeu ao trono en 1188, cando a vila recibiría o seu topónimo actual, Salvaterra de Miño. Algunhas teorías apuntan a que este topónimo pode derivar do característico recinto amurallado, cuxa finalidade non era outra que “salvar” o pobo das invasións portuguesas, o que daría lugar ao nome de Salvaterra.

 

Dentro deste contexto o Concello realizará diversos actos conmemorativos o próximo 24 de maio, día declarado polo Pleno da Corporación como Festivo Local,  pero sen dúbida centrarán o seu esforzo na participación dos nenos e nenas do Municipio, a través do II Certame Artístico “Salvaterra Milenaria” para que nos trasladen a súa visión, a través das diferentes categorías, do que sería a nosa Vila nese intre da historia. Segundo a Tenente de Alcalde, Marta Valcárcel Gómez, “o obxectivo deste certame é que @s alumn@s dos Centros de Ensino do Concello nos ofrezan a súa visión do pasado da nosa Vila, ao tempo que se fomenta a súa imaxinación e creatividade, así como a participación nas actividades culturais do Concello”. Para elo estableceranse diferentes categorías, atendendo tanto a disciplina utilizada como a idade d@s participantes. O xurado estará composto por persoal docente dos centros escolares e do propio Concello.

 

Así @s nen@s de Infantil participaran dentro da categoría de debuxo, @s de primaria e secundaria en manualidades e bacharelato en relato curto. Todas as categorías estarán premiadas con 3 premios, de 100, 75 e 50 €, para gastar en material escolar, informático, deporte ou vestimenta para @s gañador@s.

 

Todos os traballos serán expostos na web do Concello e nas Covas de dona Urraca o día 24 de maio, día no que se fará tamén entrega dos premios, dentro dos actos conmemorativos que ofrecerá o recinto amurallado aos seus visitantes durante a festividade local.

 

Uns actos conmemorativos que comezarán ás 9.30 cun xograr que percorrerá as rúas da Vila. Ás 10.30 será o acto de recreación da cesión da Vila de Lacedurium, despois a entrega de premios do certame artístico, actuación do Coro Lacedurium e apertura dos xogos tradicionais no exterior do Castelo. Como novidade este ano durante toda a xornada haberá unha feira de artesanía e exposición de traxes medievais. Pola tarde volverase a abrir os xogos tradicionais e obradoiros tradicionais de Cuños de moeda con plastilina e escritura a pluma. Ás 17.30 os mais cativos poderán desfrutar dun contacontos infantil e pecharase a xornada ás 19.30 cun espectáculo de Alquimia.

 

Xornal21 • Términos de usoPolítica de PrivacidadMapa del sitio
© 2018 • Todos los derechos reservados