Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Xornal21
Lunes, 11 de junio de 2018
GALICIA

O servizo de Gardacostas de Galicia ensinará a axentes da Ertzaintza os seus procedementos de rescate

Guardar en Mis Noticias.

Catro membros da Unidade de Vixilancia e Rescate da Ertzaintza visitarán esta semana a base do helicóptero Pesca 1 e realizarán diferentes accións de formación con membros do servizo aéreo de rescate de Gardacostas.

[Img #42137]

 

Catro membros da Unidade de Vixilancia e Rescate da Ertzaintza visitarán esta semana a base do helicóptero Pesca 1 e realizarán diferentes accións de formación con membros do servizo aéreo de rescate de Gardacostas. Esta colaboración foi solicitada pola Unidade de Vixilancia e Rescate da Ertzaintza co obxectivo de coñecer os procedementos e o equipamento utilizado na nosa comunidade para os rescates e as e evacuacións aeromédicas.

 

Os membros da Ertzaintza realizan esta visita interesados pola traxectoria de máis de 25 anos de experiencia deste servizo da Xunta e polos medios cos que conta Galicia en materia de salvamento. Durante a visita, que comezará o luns pola tarde e se prolongará ata o mércores, intercambiarán experiencias cos axentes do servizo  aéreo de rescate de Gardacostas, que lle explicarán o seu sistema de traballo e os medios que utilizan.

 

Ademais comprobarán os protocolos de actuación de Gardacostas como os procedementos de aproximación aos distintos tipos de embarcacións e as manobras de rescate recomendadas. Isto complementarano coa realización de prácticas de rescate no mar. A maiores, tamén realizarán exercicios simulados de rescate en montaña para poñer en práctica os procedementos de salvamento e de evacuación neste eido.

 

Servizo de Gardacostas
O Servizo de Gardacostas é o organismo dependente da Consellería do Mar que ten as funcións de vixilancia, busca, salvamento e protección do medio mariño nas augas galegas. Estrutúrase en servizos centrais e en unidades operativas distribuídas por todo o litoral de Galicia. Para desenvolver os seus labores por vía aérea o servizo conta co helicóptero Pesca 1, con base en Vigo e co Pesca 2, con base en Celeiro. No ano 2015 este servizo cumpriu 25 anos de historia e neste tempo salvou a vida de máis de 1.500 persoas.

 

Xornal21 • Términos de usoPolítica de PrivacidadMapa del sitio
© 2018 • Todos los derechos reservados