Hoxe, sábado, día 8, terá lugar no Auditorio Municipal de Ponteareas a partires das 21:00 horas, o concerto inaugural do III Festival Groba, no que participará a Orquestra de Cámara Galega, dirixida por Rogelio Groba Otero. Nesta xornada inaugural interpretarase o “Concerto Arcaico en Re” para dous violíns, de Groba, no que actuarán como solistas o propio director da orquestra e Javier Díaz. Esta obra compartirá espazo con composicións de Vivaldi e Britten.

O luns terá lugar a “Gala do violín”, na que participarán tres dos membros do xurado do I Concurso Internacional de Violín para Xoves Intérpretes: Elena Urioste, Jesús Reina e Clara Jumi Kang.

A xornada do domingo estará adicada á música coral e protagonizada polo Coro Xuvenil Cantemos e o Obradoiro Vocal A Vila. O luns terá lugar a “Gala do violín”, na que participarán tres dos membros do xurado do I Concurso Internacional de Violín para Xoves Intérpretes: Elena Urioste, Jesús Reina e Clara Jumi Kang.

O concurso de violín, que se iniciará o martes, será unha das novidades da presente edición do festival, que se alongará ata o vindeiro venres, día 14, e que reunirá en Ponteareas a algunhas das figuras máis salientables do panorama actual da música clásica.