O público respondeua chamada do primeiro concerto organizado conxuntamente polas diferentes corais do Municipio, Banda de Música e Concello de Salvaterra de Miño con motivo da Festividade de San Lorenzo.

O concerto estivo cargado de moita ilusión e focalizado en dúas partes, a primeira onde cada coral cantou por separado, empezou a Coral Cantemos dirixida por Esperanza Mara Filgueira, a continuación cantaron xuntas Lacedurium e Adaxe, dirixidas por Isidro Betancur, e pechou a Coral Fogar de Breogán dirixida por David González. Unha vez rematado este primeiro pase uniuse a Banda e as catro corais xuntas cantaron tres cancións que fixeron a ledicia de toda a xente que nos acompañou nesta noite de música.

Esta actividade se enmarca dentro da programación do Verán Cultural, que empezou o pasado 1 de agosto e que ao longo destas semanas terá diversas actividades e festas enfocadas a todos os públicos.

Así o próximo mércores 12 preséntase o espectáculo de Chrystyan Magic Alén da Maxia e o xoves 13 dunha Master Class e exhibición de Zumba.