Un equipo do GES da Guarda trasladouse esta tarde ás pozas de Loureza, en Oia, para rescatar a unha moza que sufriu unha caída e se feriu nunha perna. As lesións provocadas pola caída, que lle impedían camiñar, e o lugar de acceso difícil para os servizos de emerxencias obrigou intervir ó equipo de rescate.

Os efectivos do GES da Guarda se serviron dunha padiola de palas para poder trasladar á ferida dende as pozas ata o vehículo de emerxencias e, dende alí, ó lugar no que agardaba unha ambulancia de Urxencias Médicas. Finalmente, a rapaza foi evacuada ó Hospital do Meixoeiro, en Vigo. A ferida andaba polas pozas en compañía doutra persoa, que contactou co CAE 112 Galicia ás 14:30 horas de hoxe. Tras a súa chamada, os xestores do 112 Galicia puxeron en marcha un operativo no que, ademais do GES da Guarda, participou a Garda Civil e Urxencias Médicas.