O Concello de Salvaterra de Miño comunica o inicio dos próximos cursos formativos da Cámara de Comercio e o Concello de Salvaterra de Miño do segundo semestre de 2015

Operador de carretilla elevadora

Este curso ten como obxecto a formación dos traballadores atendendo as exixencias legais da Lei de Prevención de Riscos Laborais, informando e formando aos operarios de carretillas elevadoras no coñecemento dos diferentes tipos de equipos existentes e dos seus compoñentes principais, prestando especial atención aos compoñentes de seguridade, sensibilizando aos participantes dos riscos inherentes ao manexo da maquinaria en xeral, e en particular das carreteillas elevadoras. Ademais de realizar unha aproximación práctica ao manexo seguro das carretillas elevadoras, poñendo en práctica as técnicas seguras expostas na parte teórica, detectando e corrixindo os riscos principais do seu manexo. Comezará o próximo 24 de agosto ás 9.00h, no salón de actos da Casa de Cultura de Salvaterra.

Caixeiro – eponedor de supermercado

A actividade formativa ten como obxectivos dotar aos asistentes dos coñecementos necesarios para desenvolver as funcións de reposición de mercancía de forma adecuada e cobro en caixa mediante diversos sistemas de forma eficaz e cun trato adecuado ao cliente. Dentro do contido do propio curso tratarase diversos temas como: Sector da distribución comercial, liña de caixas, os artigos, a variedade comercial, categoría de produtos e a norma 20/80, o merchandising, a reposición, tipos de compra, a implantación dos produtos no establecemento, atención ao cliente, inventarios e o seu control e a seguridade e hixiene no punto de venta e no almacén. Este curso comeza o martes 25 no Salón de actos da Casa de de Cultura de Salvaterra.