En verán as familias acostuman a compartir máis tempo xuntas e isto é algo que se debe aproveitar empezando polo almorzo. Para fomentar dende pequenos o hábito do almorzo, é fundamental que na casa se senten todos a almorzar, deféndese dende Blemil, especialistas en leites infantís. Durante o ano, se os pais toman un café de pé e a toda présa, non poden pretender que os nenos fagan algo diferente, a pesar de que non sexa o correcto. Así, o almorzo debe cubrir a cuarta parte das necesidades enerxéticas dos nenos, e se o contido non é completo ou é insuficiente, o rendemento e o estado de ánimo do pequeno poden resentirse, chegando, mesmo, a ocasionar cansazo e falta de atención.

En condicións normais o neno debería dedicar uns 15 minutos a facer esta primeira comida do día, pero a realidade móstranos que o panorama ideal do almorzo poucas veces se cumpre: ou ben porque non ten apetito a esas horas ou porque almorza pouco e con présas, antes de ir ao colexio ou á gardaría. É por iso que, segundo os expertos, toma importancia o verán como período de formación. Para que un almorzo sexa completo os expertos consultados por Blemil afirman que debería incluír os seguintes grupos de alimentos: Lácteos (fundamentalmente leite), froita (natural ou en zume) e hidratos de carbono (cereais, pan galletas, mellor que bolería industrial).

O leite toma importancia neste período e por isto para os asesores en nutrición débeselle dar un papel destacado no almorzo. A partir dos 6 meses, cando a alimentación se diversifica, os produtos lácteos (leite e derivados) seguen sendo un piar fundamental da dieta, ata o punto que os expertos en nutrición pediátrica recomendan un consumo de entre medio litro e un litro diario, é dicir, entre 2 e 4 porcións de lácteos en función da idade.

No caso dos nenos de curta idade, unha boa solución son as fórmulas de crecemento con cereais ou con cereais e froita. Estas variedades, incorporan na súa composición cereais e froitas que lle aseguran unha interesante achega de enerxía -maior que o dun vaso de leite- e un sabor que adoita gustar moito, ademais de estar especialmente adaptada ás necesidades nutricionais dos nenos entre 1 e 3 anos. A esta idade, o sistema dixestivo non está aínda preparado para tolerar o contido en proteínas do leite de vaca.

Outra vantaxe dalgunhas das fórmulas de crecemento é que foron enriquecidas para favorecer as defensas do neno e o desenvolvemento dunha axeitada flora intestinal. Son unha excelente opción tanto para os bebés a partir de 12 meses coma para os nenos de máis idade aos que lles custa tomar algo máis que un pouco de leite.