O equipo médico do helicóptero con base en Ourense se trasladou esta tarde ó concello de Arbo para atender a un home alcanzado por unha bala mentres cazaba nun monte preto do Barrio da Rocha. A necesidade dunha evacuación rápida motivou que Urxencias Médicas decidise desprazar a Arbo a aeronave. O ferido cazaba en compañía doutra persoa, que foi quen chamou ó 112 Galicia para pedir axuda. Eran as seis da tarde. A partir de aí, os xestores do CAE 112 Galicia activaron un operativo no que, ademais dos servizos sanitarios de urxencia, participaron os axentes da Garda Civil.