A concelleira de Medio Ambiente mosense, Julia Loureiro, e o edil de Parques e Xardíns e Revalorización de Espazos Públicos, Cándido Pérez, visitaron onte  o Parque das Lagoas, na parroquia de Guizán, cuxas obras están a piques de ser rematadas.

A recuperación deste espazo de lecer ó aire libre realizouse gracias a unha subvención da Dirección Xeral de Administración Local da consellería de Presidencia, Administracións Públicas e Xustiza.

O orzamento destinado a estes traballos, que se prevé queden rematados esta semana, ascende a 40.000 euros. “Este parque continúa coa iniciativa do Concello de Mos no Parque da Auga de Sanguiñeda, pola que se pretende concienciar didáctica e lúdicamente ós cativos dos usos do líquido elemento así como da importancia medioambiental do seu consumo responsable e consciente, todo elo dun xeito moi orixinal, con elementos de xogo diferentes e atractivos que fan as delicias dos máis pequenos”, declarou a concelleira delegada do departamento municipal de Medio Ambiente.

E é que os elementos de auga son xogos para espertar o inxenio e promover o coñecemento. No Parque das Lagoas en Guizán acometeuse unha lagoa en torno á cal dispóñense tres elementos de auga que verquen nos seus respectivos tres estanques. Ditos elementos son: a canle de auga que funciona mediante bombeo, e na que a auga discorre por unha canle común puidéndose escoller entre dous camiños distintos finalizando un deles nunha turbina e outro en caída libre; o muíño de auga que funciona tamén por sistema de bombeo e no que a auga fai rotar unha noria; e o tornillo de Arquímedes, que se trata dun tornillo sen fin no que a auga elévase dende un estanque ó xiralo.

Ademais ó carón destes elementos de xogo con auga instalouse un parque infantil dotado dun columpio balancín de dous asentos, un tobogán simple, un balancín de muelle e unha zona de area cunha excavadora de acero inoxidable. Este último elemento está dotado dun asento e dunha pala, réplica da das excavadoras típicas de obra, coa que os nenos e nenas poden xogar recollendo e manipulando a area do areeiro.

A edil Julia Loureiro destacou as medidas de seguridade adoitadas neste parque, no que se procedeu a completar o valado perimetral deixando un único acceso controlado ó recinto.

Drenaxe

Tendo en conta que na parcela existen nacentes de auga, realizouse un drenaxe completo mediante tubaxe de drenaxe en zanxas con saída de agua á poza existente, de xeito que, - como explicou Loureiro- “ademais de solucionar os inconvintes xerados polos nacentes de auga, aproveitáronse os mesmos para surtir á poza ou lagoa que vertebra o resto de elementos da área de lecer e que, en definitiva, dá nome a este Parque das Lagoas na parroquia de Guizán”.