O Concelleiro de Comercio, Marcelino Coto Troncos, e a xerente do o Centro Comercial Aberto do Porriño– Morea da Asociacion de Comerciantes e Industriais do Porriño (ACIPOR), Noelia Conde, compareceron hoxe para presentar a próxima celebración da XIII edición da feira de oportunidades “Merca na Rúa”, un evento que nesta ano 2015, acada a súa XIIIª edición, deixando constancia con elo de que é, sen dúbida, un evento consolidado e de referencia na área.

O “Merca na Rúa 2015” celebraráse os vindeiros días sábado 12 das 10 horas da mañá ás 22 horas da noite, e o domingo 13 de setembro de 11 horas da maña ás 20:30 horas da tarde, na zona peonil da rúa Ramón González .

Calzado, complementos, óptica, pequeno electrodoméstico ou confección serán algún dos productos que este fin de semana a se poderán adquirir con descontos de ata o 80% na XIIIª edición da feira de oportunidades de O Porriño “Merca na rúa”.

Este evento que organiza a Asociación de Comerciantes e Industriais do Porriño ACIPOR dúas veces ó ano coincidindo co cambio de tempada, supón un importante balón de oxíxeno para os comerciantes porriñeses xa que, ademáis de permitir que se dea saíida ao stock acumulado, xera un volumen de negocio de entre 40.000 e 50.000 euros.

Esta mesma mañá, a xerente de ACIPOR, Noelia Conde, e o concelleiro de Comercio e Industria, Marcelino Coto, presentaron oficialmente o evento que, na súa decimoterceira edición contará con 21 establecementos participantes.

“Un evento consolidado, que cada ano atrae a multitude de visitantes ao Porriño “, sinalou Coto, que anunciou tamén unha das novidades desta edición, e é que o Concello do Porriño contratará seguridade privada para custodiar a mercancía dos diferentes stands durante a noite, co fin de evitar que os comerciantes teñan que recoller os seus artigos.

Como cada ano, o concello colaborará en loxística e infraestructuras ademáis de dispor varios inchables gratuítos para que os nenos poidan xogar mentres os pais disfrutan dunha xornada de compras.

Outra das novidades salientables que incorpora o XIII Mercanarúa serán as clases de baile na rúa que impartirán os profesores da academia de baile STUDIO57, diferentes modalidades de baile, para que nenos e maiores disfruten máis si cabe desta xa consolidada festa do comercio local porriñés.