O portavoz municipal de ACIP, Juan Carlos González Carrera, lamentou hoxe que o Goberno Local “careza da sensibilidade necesaria” para levar a pleno unha moción do seu grupo na que se pide a creación de axudas para adquisición de libros de texto e material escolar para todos os nenos e nenas que as precisen e que estean escolarizados en Ponteareas.

ACIP, explica o seu portavoz Juan Carlos González Carrera, presentou  por rexistro esta moción “en tempo e forma o pasado dia 4 de setembro”. Segundo o portavoz de ACIP, nas comisións informativas correspondentes, o alcalde sinalou que non levaría as mocións presentadas polo seu grupo “alegando a necesidade de contar cos correspondentes informes ”.

“O máis curioso”, sinala González Carrera, “é que  as comisións celebráronse o pasado día 10 de Setembro e o venres día 11 convocou outra comisión urxente para este luns dia catorce,  unha Comisión Informativa, porque queren incluír na orde do día un tema do grupo de goberno”.co cal queda demostrada  a falta de interés do goberno de querer aprobar a moción de ACIP e non valen mais desculpas, podía perfectamente incluír a nosa cos informes pertinentes, e mais, moitas veces eles na oposición reclamaban  a presentación de mocións de urxencia sin os informes precisos para o seu debate no Pleno.Que e o que cambiou?”  preguntanse desde Acip