Un total de 150 escolares foron desaloxados das aulas dun colexio situado na parroquia de Quintela, por mor do mal funcionamento dunha caldeira. Pasados uns minutos das 10:30 horas de hoxe, o persoal do mesmo centro chamaba ó CAE 112 Galicia, para pedir axuda. Indicaban que tras iniciarse o lume na caldeira, procederon a desaloxar ós menores das aulas. Aseguraron que todos estaban ben pero, que os tiñan aloxados nun patio cuberto.

De inmediato, o persoal do 112 Galicia puxo en alerta ós Bombeiros de Baixo Miño, ós efectivos do GES de Redondela e á Policía Local. Finalmente, no foi precisa a intervención dos medios de extinción, tras confirmarse que a caldeira non chegara a arder senón que, a mala combustión, provocou que o centro se enchera de fume. Así, tanto os axentes da Policía Local coma os efectivos do GES procederon a ventilar o recinto.