A oficina da OMIX dentro da Concellería de Educación e Participación Cidadá que dirixe Kely Monzón, presentou este mes dúas novas actividades dirixidas a mocidade mosense.

Este  venres 25 de Setembro ás 18.30h inaugúrase a nova pista de skate das Pozas

Co motivo da inauguración da nova pista de skate das Pozas (Petelos), os mozos e mozas poderán disfrutar este venres 25 de Setembro ás 18.30h, dunha exhibición a cargo da Asociación Cultural e Deportiva Marín Pro Riders nas modalidades de Skate, Bmx e Scooter e todo elo, aderezado coa actuación simultánea dun DJ. Así mesmo, a Escola de Música e Danza Maison brindarán unha exhibición de hip-hop.

Cursos de Inglés en outubro

Por outra banda, dende a OMIX do concello ofertan outro ano máis, cursos de inglés para ampliar a formación dos mosenses. Este ano propóñense dous niveis diferenciados: iniciación e avanzado.

Pensando que é unha maneira en que os veciños e veciñas do concello de Mos poidan aprender e perfeccionar un idioma como é o inglés que na actualidade goza dunha importancia tanto a nivel laboral como a nivel persoal; e beneficiarse ó mesmo tempo deste aprendizaxe para o que mais precisen.

As persoas beneficiarias destas actividades serán  tódolos/as mosenses interesados/as na aprendizaxe de calquera dos idiomas maiores de 16 anos. Indirectamente os mozos e mozas doutros municipios que estean interesados nestes cursos que ofertamos, tendo preferencia as persoas empadroadas no Concello de Mos. As clases prologaranse dende outubro ata maio; cunha frecuencia dunha hora e media durante dous días á semana.

As persoas interesadas poderán inscribirse presentando a solicitude cuberta e asinada xunto a fotocopia do DNI, no departamento de rexistro do Concello ou no multiusos das Pozas, dende o 16 de setembro ata o 30 de setembro. O horarios dería Martes e Xoves (19:30-21:00) para o de Iniciación e de Luns e Mércores (19:30-21:00
para o Avanzado.

O custe dos cursos para cada participante é de 16,5€ mensuais para o nivel de iniciación e 17,5€ para o nivel avanzado.

Para máis información sobre estas actividades e outras cuestións relacionadas, o  teléfono 986.33.94.04 da oficina de Información Xuvenil do Concello está operativo para resolver todas as dudas.