O Centro Dotacional de Torroso acollerá hoxe, venres día 2 de outubro, a presentación do novo curso 2015-2016 da Escola de Música de Mos. Aproveitarase tamén a ocasión para informar da implantación do Conservatorio Profesional de Música en dito centro. Nesta charla explicaranse as diferenzas do grao profesional e os presentes poderán ademais preguntar todas as dúbidas que lles poidan xurdir.

O acto contará coa presenza de Jacobo Gaspar, nacido en Torroso en 1975, e un dos principais compositores de Galicia. Gaspar, gañador de diversos premios nacionais e internacionais, é profesor no Conservatorio Superior de Vigo.