O Concellerio de Emprego, Promoción Económica e Novas Tecnoloxías, Óscar Soto Abadín, inaugurou o mércores 30 de setembro un novo Obradoiro de Emprego dirixido á xuventude, concretamente a mozos e mozas con idades comprendidas entre os 18 e os 25 anos.

Soto, remarcou na súa intervención que “España non pode permitirse taxas de desemprego xuvenil do 50% e por elo aínda non tendo compenencias os concellos en materia de emprego, por sensibilidade, por solidariedade e por compromiso é necesaria a implicación de todos para tratar de dar solucións e saída a esta situación”

Este novo proxecto leva por título ‘Mos coa Mocidade’ e persegue o obxectivo de fomentar o emprego a través de programas mixtos de emprego e formación (Obradoiros de emprego), dirixidos a mellorar a ocupabilidade, a cualificación e a inserción profesional das persoas mozas incluídas no ficheiro nacional de garantía xuvenil.

Outra das finalidades deste obradoiro mixto de emprego e formación é mellorar a ocupabilidade das persoas participantes mediante a realización  de obras ou prestación de servizos de interese Xeral e social que posibiliten a realización dun traballo efectivo que, xunto coa formación profesional para o emprego recibida, relacionada directamente con dito traballo, procurando a súa cualificación profesional e favoreza a súa posterior  inserción laboral no mercado de traballo.

Participan neste programa aqueles mozas e mozos desempregados, de dezaoito ou máis anos e menores de 25 , ou menores de trinta no caso de persoas cun grao de discapacidade  igual ou superior ao 33%, que estean inscritos no ficheiro do Sistema Nacional de garantía xuvenil.

O programa de garantía xuvenil en Galicia enmárcase dentro da Estratexia de Emprendemento e Emprego Xove que se articula para dar resposta á situación laboral na que se atopan moitos mozos e mozas en Galicia. Contempla actuacións para mellorar la empregabilidade, facilitar a inserción no ámbito laboral, promover o emprendemento e mellorar a súa situación dentro do mercado de traballo. Para inscribirse os interesados poden dirixirse á Axencia de Ccolocación do Concello de Mos (teléfono 986 487786) e ó Servzo Público de Emprego de Galicia (teléfono oficina de O Porriño: 986 331262), onde se lles indicarán os pasos que son necesarios para a súa inscrición e se lles axudará na tramitación.

Este Obradoiro de emprego conta con 16 alumnos, os cales terán dereito desde hoxe a un contrato de modalidade de contrato de traballo para a formación e aprendizaxe de seis meses de duración. A realización desta iniciativa será posible, como xa se dixo, gracias a unha subvención da consellería de Traballo e Benestar que supera o importe de 135.000 euros.

O Obradoiro de Emprego ‘Mos coa Mocidade’ constará de dúas especialidades: Seguridade e ambiente e Servizo socioculturais e á comunidade.

A través de ambas especialidades, os alumnos-traballadores poderán obter en cada especialidade dous certificados de profesionalidade completos.