A Axencia de Colocación de Mos acolleu unha charla informativa laboral sobre o posto de Tripulante de Cabina de Pasaxeiros, que foi impartida pola academia Aura CRP e presentada polo concelleiro de Promoción Económica e Emprego, Óscar Soto.

A charla centrouse na saída profesional dos TCP (Tripulantes de Cabina de Pasaxeiros) e durante a mesma explicáronse as súas funcións, oportunidades laborais, temario e metodoloxía. Ademais informouse de que o curso de TCP é totalmente válido para traballar, ademais de en compañías aéreas, en RENFE e AVE.

Os asistentes tamén se mostraron especialmente interesados nos cursos de piloto de drones, pola gran saída e diversidade profesional que ofrece esta titulación. Aura CRP é a única academia de Vigo que ten autorización para impartir este curso, xa que conta con todos os permisos necesarios de AESA (Axencia Estatal de Seguridade Aérea) pertencente ao Ministerio de Fomento.