O Goberno local do Porriño empezará a finais desta semana, ou principios da que ven, a reforma e rehabilitación do entorno do Mercado. Nesta primeira fase, segundo o concelleiro de Vías e Obras e primeiro tenente de alcalde, Manuel Carrera, “se reformarán as partes norte e sur do aparcadoiro”.

“A obra suporá rediseñar completamente o entorno, respectando o deseño particular e orixinal da praza”, indica Carrera, quen subliña que se remodelará o pavimento exterior, “se substituirán os servizos de saneamento e se procederá ao soterramento de parte do tendido eléctrico e das liñas telefónicas”.

Ademais, está deseñada unha ‘illa de reciclaxe’, a colocación dun panel publicitario dixital e se procederá a “reordenar a entrada e saída de vehículos, de xeito que haxa un vieiro de saída e outro de entrada, acabando coa dobre dirección, de entrada e saída, existente ata o de agora”. A duración prevista das obras é dun mes