O programa “Tempo de Excursión” que realiza a concellería de Participación Cidadá, dirixida pola concelleira Kely Monzón, oferta ós maiores de Mos a posibilidade de coñecer outros lugares e fortalecer os lazos entre veciños.

Entre 45 e 55 veciños de Mos terán a oportunidade de realizar a ruta que enlaza os Pobos Brancos de Cádiz, cun abundante patrimonio arqueolóxico, no medio dunha paisaxe na que sobresaen as cumes que forman o Parque Natural da Serra de Grazamela, declarado Reserva da Biosfera pola UNESCO. A viaxe terá saída o 2 de novembro dende o Concello e regreso o 8 de novembro.

O prazo de inscrición  estará aberto ata o 29 de outubro de maneira presencial no Rexistro Xeral do Concello de Mos.

O custe para cada participante é de 335 euros en réxime de pensión completa.

Poden participar persoas empadroadas no Concello maiores de 65 anos, ou pensionistas maiores de 55 anos. Non é preciso que os cónxuxes ou parellas de feito cumpran os requisitos. Os fillos discapacitados poden acompañar ós pais.

Se existisen vacantes poderán participar maiores de 55 anos sen actividade laboral e persoas non empadroadas en Mos.

O día 30 de outubro farase pública a lista de admitidos.