O Grupo de Concelleiros de GañaMos Asemblea Veciñal  presentou una moción, para a súa discusión e aprobación, relativa á Serra do Galiñeiro, na que solicita que o Concello de Mos inicie os trámites necesarios para declarar a parte mosense da Serra do Galiñeiro como ENIL (Espazo Natural de Interese Local).

Ademáis piden que en colaboración coa Plataforma pola protección da Serra do Galiñeiro se informe aos veciños -especialmente aos de Erville e Cela- sobre a riqueza que supón o patrimonio natural e cultural que ten a Serra do Galiñeiro.

Tamén solicitan que se facilite o traballo de todas as entidades que conforman a plataforma co fin de conseguir o seu principal obxectivo: ‘A declaración de Parque Natural para toda a serra do Serra do Galiñeiro’.

Ademais alertan que a Consellería de Industria “mantén no Galiñeiro a  oferta a concurso público para a instalación dun parque eólico e no seu solo tamén se contempla a posibilidade de abrir explotacións mineiras a ceo aberto. Os veciños de Erville serían os máis afectados por estas actividades industriais, que cambiarían para sempre o uso do seu solo forestal, tendo que sufrir a contaminación ambiental, acústica e visual que estas actividades provocan” segundo sinalan nun comunicado de prensa.