O pasado xoves 15, o salón de Plenos do Concello de Salceda de Caselas, acolleu a presencia de diversos concellos das Comarcas de Louriña e Paradanta para falar sobre o elevado grado de afectación que está a ter a ‘Vespa Velutina’ nos concellos que o conforman.

A expansión desta especie e o incremento da poboación é algo que preocupa de cara a seguridade cidadá, apicultores e sistemas de producción agrícola-forestal, e sobre todo de cara a eficiencia dos métodos de destrucción e retirada dos niños que se está a desenvolver por parte da empresa adxudicataria.

“Estanse a probar métodos eficientes de combate que a Consellaría podería incluir, xunto co sistema de trampas, ademáis débese mellorar o sistema burocrático de actuación xa que está a ser un procedemento non efectivo, que conleva a unha ralentización do servizo” aseguran nun comunicado.

Entre os Concellos asistentes á reunión estaba As Neves, Mondaríz, Ponteareas, Salvaterra, A Cañiza, Salceda de Caselas e a Agrupación Apícola de Galicia da zona de Pontevedra, da que se concluíu na petición dunha entrevista coa Conselleira Ángela Vázquez Mujica e na elaboración dun documento de petición de melloras á Consellaría de Medio Rural, para poder mellorar a eficiencia do servizo, que na actualidade “é deficiente”, e previndo que “de cara ao ano que ven é probable que aumente a poboación da especie, puidendo ser na etapa de marzo (etapa coincidente coa elaboración dos niños) o mes no que se comeza a visualizar e a incrementar de novo a presencia da especie” aseguran.