O BNG de Salceda de Caselas rexistrou hoxe unha iniciativa no Rexistro do Concello de Salceda de Caselas referente aos recibos do IBI ( Imposto de Bens Inmobeis). Na mesma solicitan que se modifique a ordenanza fiscal do IBI  para establecer un índice sobre o valor catastral dun 0,40 % (na actualidade está nun 0,53 %) así mesmo tamén consideran que se deben incluír bonificacións en función das rendas dos contribuíntes.

O BNG, ante a actualzación dos valores catastrais, solicitada polo concello de Salceda de Caselas, e levada adiante polo goberno do estado a través da Xerencia do Catastro de Pontevedra, considera que “tanto o goberno municipal como o goberno do PP so están preocupados en  subir a presión fiscal no Concello de Salceda de Caselas. Consideramos a actitude do Partido Popular de Salceda de Caselas de hipócrtita porque agora poñense detras da pancarta para demandar rebaixas no IBI cando eles aplicaron e defenderon as distintas Leis de acompañamentos dos Orzamentos Xerais do Estado que obrigaron aos concellos a subir os índices ao 0,60 % para o 2013 3 2015”.