A Axencia para a Modernización Tecnolóxica de Galicia (Amtega) vén de ampliar a 200Mpbs a velocidade de conexión a Internet do IES San Paio de Tui (Pontevedra). Grazas a esta mellora o centro,  que contaba cunha liña de 8Mpbs, terá un acceso máis efectivo á Rede, sen esperas ou contratempos, permitindo a conexión simultánea dun maior número  e o funcionamento de máis aplicacións informáticas cun tempo de resposta adecuado.

O IES San Paio é un dos máis de 2.300 centros de servizos públicos beneficiados polas melloras previstas no novo contrato de telecomunicacións da Xunta, que entrou en vigor este ano. Durante tres anos a Administración autonómica incrementará, en máis dun triple de media, o ancho de banda de 1.014 centros da área de Educación, 119 de servizos sociosanitarios e 45 sedes xudiciais.  Máis da metade dos 2.300 centros nos que se realizarán melloras contarán con conexións a internet de 100 ou 200 Mbps.