Un barco pesqueiro instalado no dique de reparacións dos estaleiros de Beiramar, en Vigo, resultou calcinado por completo a causa dun lume que puido iniciarse por mor dun fallo eléctrico. Ás 16:30 horas de hoxe, un particular se decatou do incendio e chamou ao 112 Galicia. De seguido, o persoal do Centro de Atención ás Emerxencias de Galicia avisou aos Bombeiros de Vigo, aos membros da Autoridade Portuaria e ás forzas da orde. Por fortuna, ninguén resultou afectado.