Os servizos sanitarios de urxencia trasladaron esta tarde a dúas persoas que resultaron feridas a causa dunha colisión frontal entre dous vehículos na PO-552, ao paso polo concello do Rosal. O impacto sorprendeu aos veciños da zona que chegaron a asegurar que ao menos un dos feridos estaba, tamén, atrapado dentro dun dos turismos implicados.

Por iso, o persoal do CAE 112 Galicia solicitou a intervención dos Bombeiros do Baixo Miño e dos membros do GES da Guarda. Mais, en canto os efectivos de emerxencias comprobaron que ambos dous feridos estaban liberados e accesibles, os xestores do 112 Galicia anularon a saída dos bombeiros. Os feridos, un home e unha muller, foron evacuados ao centro hospitalario de referencia, mentres que os membros do GES da Guarda se encargaron de restablecer as condicións de seguridade na vía. A causa do accidente, se viu interrompida a circulación nun dos carrís da PO-552. O CAE 112 Galicia rexistrou o suceso ao fío da unha desta tarde.