Os efectivos de Protección Civil de O Grove liberaron a pasada noite a un operario que quedou atrapado baixo a máquina coa que traballaba. O suceso ocorreu no Monte Siradella, no Concello pontevedrés do Grove. Quen chamou ao CAE 112 Galicia sobre as 22:30 horas para pedir axuda explicou que o home caeu por un terraplén coa máquina que manexaba e quedou atrapado. Así, tras indicar que podían ser precisos medios de rescate, dende o 112 Galicia, se alertou aos Bombeiros de Ribadumia e aos servizos municipais de Protección Civil de O Grove e de Sanxenxo. Finalmente, unha vez liberado, o traballador foi trasladado nunha ambulancia de Urxencias Médicas ao centro hospitalario de referencia.