Os servizos sanitarios de urxencia trasladaron onte a seis persoas que resultaron feridas en senllos accidentes múltiples rexistrados no Porriño e Cuntis. O persoal do CAE 112 Galicia tivo constancia do primeiro accidente ás 20:40 horas de onte na localidade do Val da Louriña. Os tres turismos implicados no accidente circulaban pola A-55, á altura do quilómetro 18. Neste caso, catro persoas foron asistidas e trasladadas polos técnicos de Urxencias Médicas, segundo confirmaron os membros de Protección Civil do Porriño.

 

O segundo sinistro se produciu en Cuntis, na N-640, preto do Campo de Fútbol da Ran. Ata alí se desprazaron, ademais dos servizos sanitarios de urxencia, os axentes da Garda Civil de Tráfico e de Protección Civil. Unha chamada ao 112 Galicia ás 22:10 horas de onte permitiu aos xestores do Centro de Atención ás Emerxencias alertar aos distintos servizos de emerxencias. A colisión, na que tamén se viron implicados tres vehículos, provocou diversas lesións a dúas persoas que foron atendidas polos técnicos sanitarios.