Os Bombeiros de Ponteareas liberaron esta tarde a unha muller que quedou atrapada nun turismo despois de colidir con outro na N-120, ao paso pola parroquia pontareá de Xinzo. Os veciños acudiron a socorrer aos afectados, pero a muller tiña as pernas atrapadas e necesitaba da axuda dun equipo de excarceración para abandonar o vehículo.

Deste xeito, o persoal do Centro de Atención ás Emerxencias (CAE) 112 Galicia solicitou a intervención dos bombeiros da localidade, que, ademais de sacar á muller, se encargaron de retirar os restos do accidente da vía. Dende o 112 Galicia, tamén se informou a Urxencias Médicas e ás forzas de seguridade. O sinistro se rexistrou ás 13:30 horas de hoxe.