A concellería de Educación e Participación Cidadá, dirixida pola edil Kely Monzón, trae novamente a Mos o ciclo de cine “Mos coa butaca”, con enorme éxito de afluencia nas anteriores edicións e que, nesta ocasión, proxectará o filme “La Gran Estafa Americana”, enmarcado dentro do programa “Noites Vivas 2015”, o vindeiro sábado 21 de novembro ás 22.00 horas nas instalacións do Centro Dotacional de Torroso.

Os beneficiarios directos deste programa son os mozos e mozas entre 16 e 35 anos do municipio de Mos.

Sinopse

Estado de Nova York, anos setenta. Irving Rosenfeld, un brillante estafador e a súa intelixente e sedutora compañeira Sydney Prosser vense obrigados a traballar para un tempestuoso axente do FBI, Richie Di Maso, que sen querer os arrastra ó perigoso mundo da política e a mafia de Nova Jersey. Está baseada nun famoso caso de corrupción que conmocionou ós Estados Unidos na década dos 70 e no que estiveron implicados mafiosos e políticos.

Próximos títulos

O ciclo de cine “Mos coa Butaca” continuará o 26 de decembro, data na que se proxectará o filme “Perdida”.