A asemblea da ANPA do colexio Pena de Francia  ven de aprobar por unanimidade o inicio dunha recollida de sinaturas para demandar á Conselleria de Educación unha solución “ás graves deficiencias estructurais do centro”.

Nun comunicado, emitido onte,  sinalan que “levamos anos intentado que se fagan as obras de rehabilitación necesarias e seguimos sin resposta. Cremos que isto non pode seguir así, polo que estamos na obriga de por en marcha medidas para solucionar este grave problema. Necesitamos que todala comunidade educativa, incluso a veciñanza, se implique, pero nós, coma nais e pais, coma Anpa, temos a responsabilidade ineludible de conquerir un cole saudable para as nosas fillas e fillos. Polo que non podemos aturar un intre máis o abandono institucional que sufre o centro e por ende as suas alumnas e alumnos”.

Cristóbal López, Presidente do ANPA Colexio Pena de Francia, engade no comunicado que esta situación “obriganos ás nais e pais dos alumnos do centro a autoxestionarnos e movilizarnos para acadar unha solución”.