Os servizos sanitarios de urxencia trasladaron onte ao Hospital Álvaro Cunqueiro de Vigo a tres persoas, entre eles tres menores, afectadas por inhalar o fume provocado por un incendio declarado no interior da súa vivenda. O lume comezou na campá extractora da cociña, que, realmente, foi o único que resultou danado xunto coa escaiola que a rodeaba. O incendio produciuse na Rúa Barxas arredor das oito da noite de onte. Quen alertou ao persoal do 112 Galicia foi unha das persoas afectadas polo incendio. Ela mesma explicou que prendera lume nunha tixola e propagouse á campá extractora. De seguido, os xestores do CAE 112 Galicia pediron a colaboración dos Bombeiros do Morrazo, da Policía Local e do servizo de Protección Civil da vila.