A Asociación de Comerciantes do Porriño (ACIPOR) e o Centro Comercial Aberto “Morea” celebrou o pasado luns, día 7, o sorteo dos dúas fins de semana en Casas de Turismo Rural correspondente á Xª Edicición do Pinchorriño 2015 entre todos os participantes desta edición. A gran asistencia de fixo que houbese un “importantísimo número de solicitudes de participación no sorteo” sinalan dende a organización.

E non foi para menos. Segundo ACIPOR, este ano o Pinchorriño atraeu sen dúbida ao maior número de persoas dende a súa creación no ano 2006, imprimíronse 17.000 dípticos para participar. Os últimos tiveron que reimprimirse para facer fronte á última semana do concurso, dada a altísima asistencia aos establecementos participantes nesta edición.

Este feito unido á gran repercusión que está a ter este certame de tapas a nivel galego supón segundo a Asociación de Comerciantes do Porriño, a consolidación a nivel galego dun festival que atrae xente de toda Galicia durante a súa celebración. A organización destacou ter constancia de asistentes dende varias provincias galegas e no Norte de Portugal, onde a afluencia e maior cada ano, como amosa a asistencia de persoas dende preto de Oporto ou Vilanova Famaliçao ata Coruña, Fene, así como da área metopolitana, o interior pontevedrés e ata perto de Ourense. “Puidemos ver establecementos ateigados que chegaban a dar cada día 700-800 tapas… En total estimamos que puideron darse en todo o mes probablemente máis de 50.000 pinchos”. Un feito que sen dúbida, consolida a bóia saúde do certame e a súa continuidade, éxito ao que cada ano se suman máis establecementos do municipio.

Premiados 2015

Os premiados nesta ocasión foron a tudense Raquel L. A. e a porriñesa Digna C. P. O sorteo celebrouse na sede de ACIPOR coa presenza do Primeiro Teniente Alcalde do Porriño, Manuel Carrera, quen destacou o éxito do desta edición e “a importancia do Pinchorriño na dinamización da hostalería local cada ano, sendo xa un referente a máis alá do Porriño”