O Servizo Galego de Saúde vén de acordar coa UTE concesionaria do Hospital Álvaro Cunqueiro que os dous aparcadoiros, tanto o subterráneo como o de urxencias, reduzan os seus prezos a de tal xeito que a primeira media hora de aparcamento é gratis, a segunda media hora custa 0,9 euros, e o resto de horas teñen un custe dun euro por hora.

Ademais, os prezos máximos por día quedan tamén limitados a 8 euros no caso do aparcadoiro subterráneo, e de 10 euros no caso do aparcadoiro de urxencias, o que suponen “as tarifas máis baixas comparadas coas de calquera aparcadoiro municipal da cidade de Vigo” sinalan dende a Xunta.

Deste xeito, “se mellora notablemente a accesibilidade de pacientes, profesionais e visitas ao Hospital Álvaro Cunqueiro”. Precisamente nesta liña “de mellora”, e ante a escasa oferta actual de espazos alternativos onde estacionar os vehículos nos arredores -non urbanizados- do centro sanitario, se consolida tamén a dispoñibilidade de 180 prazas no exterior totalmente gratuítas, situadas na balsa onde estaban anteriormente os taxis.