Os efectivos do parque comarcal de O Baixo Miño liberaron este mediodía a unha muller que quedara atrapada por un brazo nunha máquina de rodetes cando se atopaba no seu posto de traballo. Os técnicos sanitarios alertaron ao 112 Galicia ao fío das 12:00 horas desta mañá e, de seguido, informouse aos bombeiros. Unha vez liberada, a muller foi evacuada en ambulancia a un centro hospitalario. O suceso tivo lugar nunha fábrica de madeira na parroquia de Pontellas, no termo municipal de O Porriño.