Os concellos da Fonsagrada, Baleira e Becerreá, en Lugo; Vimianzo, na Coruña; e Bande, en Ourense; se suman ao municipio pontevedrés da Cañiza e ao coruñés da Laracha onde esta mañá a acumulación de xeo e neve na calzada provocou algún accidente aínda que de escasa importancia.

Ás 11:30 horas desta mañá, un condutor resultou ferido tras saírse da vía o vehículo que conducía á altura do cruce de Baíñas, en Vimianzo. Quen chamou ao 112 Galicia para informar do suceso explicou que as placas de xeo cubrían a calzada e que iso provocou que o ferido perdese o control do turismo que conducía. O persoal do 112 Galicia solicitou a colaboración de Urxencias Médicas e da Garda Civil de Tráfico. Ademais, outros condutores quedaron parados en diferentes puntos da rede viaria lucense, precisamente, pola acumulación de neve e a formación de placas de xeo.

Así, na Fonsagrada, no Alto de Acevo; no Alto da Vacariza, en Baleira; e no lugar de Fontarón, en Becerreá; houbo persoas que se viron obrigadas a deter os seus vehículos e agardar a que os equipos de limpeza das estradas liberasen a vía.

Se esta mañá a neve e o xeo dificultaron a circulación pola A-52, á altura da Cañiza, ás 9:20 horas desta mañá, outro condutor informou ao persoal do 112 Galicia da presenza de xeo na AG-57, en dirección Baiona. Tamén, en Bande, en Ourense, na estrada que une a localidade con Xinzo, a neve impedía avanzar aos vehículos que por alí pasaban, segundo explicou un condutor.