A Presidenta do Centro Comercial Aberto do Porriño– Morea da Asociacion de Comerciantes e Industriais do Porriño (ACIPOR), Dona Juana Pérez Rodríguez, e a xerente do mesmo, Noelia Conde, valoraron hoxe a través dunha nota de prensa, o inicio nos pasados días da campaña das rebaixas no comercio do Porriño e do Centro Comercial Aberto (MOREA).

Como cada ano, a época das rebaixas permite ao consumidor acceder a bós produtos a mellores prezos que en outras épocas do ano, aproveitando os importantes descontos que comercios e establecementos aplican nestas datas.

Segundo datos de ACIPOR, á marxe doutras campañas de descontos que se realizan puntualmente ao longo do ano, tanto particularmente como dende o CCA Morea sectorialmente ou a través da iniciativa “Venres x 15”, a campaña das rebaixas de xaneiro, representa un importante ingreso para o sector comercial local. “A pesar de que a desregulación de datas das rebaixas (os comercios teñen agora 2 meses ao año para facelas) e de que últimamente as rebaixas están comezando cad vez máis cedo ou antes incluso de Xaneiro, a campaña das Rebaixas de Xaneiro segue a ser moi importante para o sector comecial do Porriño”.

O Centro Comercial Aberto do Porriño, segundo ACIPOR, destaca a nivel metropolitanto dende fai anos por ser un comercio referente en canto á calidade dos seus produtos, a boa ubicación xeografica do mesmo e polas súas campañas de promoción, neste caso, para aproveitar os descontos en bós produtos e servizos.

Dende ACIPOR queren, por tanto, animar aos consumidores locais e da área metropolitanta a aproveitar os descontos en produtos de calidade no comercio local e beneficiarse deles.