Os Centros Culturais das parroquias acollerán nas próximas dúas semanas charlas informativas sobre o Plan Xeral.

A voceira socialista, Verónica Tourón recalca que a pretensión é que todos os veciños e veciñas teñan oportunidade de coñecer o documento antes de que sexa levado a aprobación inicial.

Dende a executiva sinalan que o Plan Xeral debe facerse baixo as máximas garantías de información, participación e transparencia, e por este motivo queren que os veciños o coñezan. Por iso, a pesar de que xa o PSOE fixo unha charla no centro agora tamén queremos levalo a todas as parroquias, sinala Gela Ledo, concelleira.

Nas charlas explicarán as novidades máis importantes que reflexa o documento do novo PXOM con respecto as normas polas que se rexe Salceda na actualidade. Como sempre, tamén se abrirá unha quenda de preguntas e ademais os veciños poderán consultar o Plan coa súa axuda e resolver as dúbidas que teñan.

As charlas serán ás 20:30 horas nos centros culturais:

• Luns, 15 de febreiro na parroquia de Budiño.
• Martes, 16 de febreiro na parroquia de San Xurxo.
• Mércores, 17 de febreiro na parroquia de Picoña.
• Xoves, 18 de febreiro na parroquia de Entenza.
• Venres, 19 de febreiro na parroquia de Soutelo.
• Martes, 23 de febreiro na parroquia de Parderrubias.
• Mércores, 24 de febreiro no barrio de Barreiro.
• Sábado, 27 de febreiro no barrio de A Feira.

Tourón, “convido a todos os veciños e veciñas a que acudan ó centro cultural da súa parroquia e coñezan o novo Plan Xeral, pois é o documento máis importante do Concello e aféctanos a todos e todas”.