Pese ás manobras de reanimación, nada se puido facer por salvar a vida dunha moza que foi atropelada onte na N-120, ao paso pola localidade pontevedresa de Ponteareas. No turismo implicado no accidente viaxaba, ademais da condutora, un menor para quen tamén solicitaron asistencia médica.

O CAE 112 Galicia rexistrou o suceso ás 19:45 horas de onte e, de seguido, pediu a colaboración dos técnicos de Urxencias Médicas, que se desprazaron nunha UVI móbil; dos Bombeiros de Ponteareas, dos membros de Protección Civil e dos axentes da Policía Local.