Cinco persoas resultaron feridas leves nun sinistro entre dous vehículos acontecido contra as 22:00 horas de onte na N-550, ao seu paso pola localidade pontevedresa de Mos. Segundo informou un particular ao CAE 112 Galicia, un dos vehículos implicados no que viaxaban cinco persoas bateu contra outro que estaba estacionado. De inmediato o Centro de Atención ás Emerxencias púxose en contacto con Urxencias Médicas,  Bombeiros do Baixo Miño,  Garda Civil de Tráfico e co servizo municipal de emerxencias. Os feridos foron trasladados ao Hospital Perpetuo Socorro de Vigo.